Гэты аўдыё-візуальны матэрыял з 5 умоўных серый-кампазіцый можна ўявіць, як своеасаблівы міні-фільм з простым сюжэтам:

рок-гурт беспаспяхова спрабуе здаць праграму з аўтарскіх песень на нейкім (сімвалічным, выдуманым) мастацкім савеце, але беспаспяхова. Песні аказваюцца "ідэйна не вытрыманыя", "якія не нясуць у сабе выхаваўчых момантаў" і "недастаткова добранадзейныя для масавага праслухоўвання" па меркаванні сур'ёзнай камісіі. У музыкаў надзея застаецца  толькі на незразумелую таямнічую асобу па імені Гаварушка (тут уся інтрыга), які з кожнай серыяй няўмольна набліжаецца - па чутках незразумела адкуль.

У выніку, у апошняй серыі-кампазіцыі на сцэне з'яўляецца музыкант Гаварушка, які выконвае з гуртом песню Чыжа "Ехал всю ночь", якая нібы сімвалізуе доўгі шлях па выратаванні гурта ад падступнага мастацкага савета. Нягледзячы на некаторыя этычныя нюансы фінальнай песні, яна стварае станоўчы эфект на карысць музыкаў, якія праслухоўваюцца. Аказваецца, што разам з песнямі, Гаварушка прывёз і некаторыя "прэзенты" для бюракратаў. Апошнія экстрана і аператыўна, літаральна на працягу адной кампазіцыі, ужыўшы ўсё тое, што ім было прапанавана, мяняюць сваё меркаванне адносна ўсяго рэпертуару рок-групы.

У ролі рок-гурта - "Nestary Band"; у ролі Гаварушка - цудоўны музыкант з горада Клічава Андрэй Гаварушка. У ролі камісіі – сябры, прыхільнікі творчасці і добразычліўцы гурта "Nestary Band".