White Night Blues XX+

У красавіку 2022 года ў выдавецтве "Каўчэг" з'явіўся сігнальны тыраж кнігі "Блюз Белай Ночы Юрыя Несцярэнкі".

Кніга ўяўляе сабой зборнік артыкулаў аб творчасці Юрыя Несцярэнкі і яго сяброў-аднадумцаў, своеасаблівую рэтраспектыву аж да вытокаў гурта White Night Blues.

На старонках кнігі, у падборцы артыкулаў ад розных аўтараў расказваецца пра творчасць музыканта з невялікага мястэчка Бялынічы і яго эксперыментаў у розных музычных напрамках.

Тут прысутнічаюць і архіўныя матэрыялы.

Таксама расказваецца пра сайд-праекты і сумесную творчасць з рознымі музыкамі.

Гісторыі ўдзелу ў міжнародных фестывалях.

Гісторыі творчага ўзаемадзеяння з выдатнымі людзьмі, сябрамі і калегамі.

У канцы кнігі ёсць аўдыё-дадатак з двух кампакт-дыскаў, якія ўяўляюць сабой зборнік лепшых кампазіцый у чатырох частках.

Усіх зацікаўленых у набыцці гэтага выдання інфармуем аб тым, што можна зрабіць папярэднюю замову і набыць кнігу, звярнуўшыся праз паказаныя на сайце кантакты.